رواية هل يشفع الحب ؟ – دينا عماد

قراءة وتحميل رواية هل يشفع الحب ؟ – دينا عماد


عالية ماشية ف الشارع ...صوت اذان العصر
عالية حست بدوخة... وقفت لحظات وكملت طريقها
طه ف عربيته... جنبه خالد صاحبه
"نزلنى هنا ياطه...شكرا ع التوصيلة"
"العفو...استنى اما اركن"
"ليه رايح فين"
"اصلى العصر بالمرة هنا"
ركن طه...نزل هو وزميله بعد ما ركن جنب سور الجامع
عدت عالية من جنبهم... داخت تانى
سندت على سور الجامع ووقفت
لمحوها طه وخالد
خالد"مالها دى شكلها تعبانة"
راحوا ناحيتها
خالد"خير يا انسة...تعبانة ولا حاجة"
ارتبكت عالية من احراجها وردت
"لا كويسة...شكرا"
طه"نوصلك اى حتة طيب؟"
عالية"شكرا"
قربت منهم ست كبيرة كانت رايحة الجامع
"عالية؟!! مالك يا بنتى"
عالية"مفيش ياحاجة زينب دوخت شوية بس"
فتحت زينب شنطتها وطلعت زجاجة مياه
"خدى اشربى شوية مياه"
عالية"صايمة يا حاجة شكرا"
مسكتها زينب من ايدها
"طب امسكى فيا تعالى...الف سلامة عليكى"
حطت عالية ايديها ف ايد زينب
التفتت زينب لطه وخالد
"شكرا يا ولاد..ربنا ما يرميكم ف ضيقة"
ردوا "العفو...اى خدمة"
مشيت عالية مع زينب ودخلوا الجامع
ومشى طه عكس الاتجاه ودخل الجامع يلحق الصلاة.


اخبارنا عن رأيك حول الكتاب! + اذا لم يكن اللينك شغال، والملف لا يريد التنزيل، اضف ردا ليتم الاصلاح .

ستتم الموافقة والرد على تعليقك في وقت واحد